ஊகங்களும் கற்பனைகளும் புறளிகளும் உண்மைகளாகா!
இன்றைய சமுதாயத்திலே இது எங்கும் நிறைந்துள்ளது. தெரிந்த தவறான தகவலை வைத்துக்கொண்டு எல்லாம் அறிந்தது போல் பேசும் மேதாவிகள், அவர்களையும் மூடர்களாய் பின்தொடரும் அறிவிலிகள், வேண்டுமென்றே அரைகுறை தகவலை தந்து மக்களை திசை திருப்பும் தீயசக்திகள், இருக்கும் அமைதியை தங்கள் நலனுக்காக குலைப்பதற்கென்றே புரளிகளை உண்மைகளாய் திரித்துவிடும் சுயநலவாதிகள், மக்களை பிரித்து மாக்களாய் மாற்றும் நயவஞ்சகர்கள்... இவை அனைத்தையும் நாம் பார்த்துக்கொண்டு தான் இருக்கிறோம்!
இன்று நற்செய்தியில் இந்த அவல நிலைக்கு இயேசுவே ஆளாவதை நாம் காண்கின்றோம். அன்று மட்டுமல்ல, இன்றும் நாம் இது போன்ற போக்குகளால் எளியவரை, யாருமற்றவரை, பின்புலங்கள் பெரிதாய் இல்லாதவரை பகடைக்காய் ஆக்கும் போது கிறிஸ்து இதே அவலத்திற்கு உள்ளாகிறார். எத்தனை முறை என்னை நான் காப்பாற்றிக்கொள்ள அடுத்தவரை பயன்படுத்திவிடுகிறேன்! என் தேவைகளையும் எண்ணங்களையும் நியாயப்படுத்திக்கொள்ள அடுத்தவரின் பலவீனத்தை பயன்படுத்திக்கொள்கிறேன்.
No comments:
Post a Comment