நான் தான் அஞ்சாதீர்கள்!
புயலும் இருளும் ஒன்றாய் வந்து மிரட்டும் சூழலில், இறந்துவிடுவோமா என்ற கலக்கத்தின் மத்தியில், எதோ ஒரு உருவம் அவர்களை தொடர்வதை கண்டு மிரளுகின்றனர் அப்போஸ்தலர்கள்... அஞ்சாதீர்கள்... நான் தான் என்று உயிர்த்த கிறிஸ்துவின் குரல் கேட்க, சாந்தமாய் கரைசேருகின்றனர்! இது அவர்களுக்கு ஒரு பாடமாய் அமைந்தது, பிற்காலத்தில் எழும் குழப்பங்களை எப்படி சந்திக்கவேண்டும் என்பதற்கு.
நமக்கும் இது ஒரு பாடமே! குழப்பங்கள், கவலைகள், கேள்விகள், வேள்விகள் எத்தனை வந்தாலும், உயிர்த்த என் இறைவன் என்னோடு உள்ளார் என்பதை நான் ஆழமாக உணரும் போது எனக்குள் தோன்றும் அமைதியும், சாந்தமும் என்னை கரைசேர்த்துவிடும் என்பதே அப்பாடம். உண்மையில் உயிர்த்த கிறிஸ்துவின் மக்களென்றால், நம் வாழ்வில் வீசும் புயலின் மத்தியில் ஒரு குரல் நமக்கு கேட்க வேண்டும்; கேட்கும்!
அஞ்சாதே... நான் தான். உன்னோடே இருக்கிறேன். அமைதியாய் எதிர்கொள், கரைகாணும் நேரம் வெகு தொலைவில் இல்லை!
No comments:
Post a Comment